برافو وزير

برافو وزير الإعلام على الغاء هذا البرنامج الهابط

الفال حق الباجي خصوصا المسلسلات اللي كلها صراخ و تشويه للمجتمع الكويتي

يعني ليش ما يطلع لنا مسلسل نفس عباس الأبيض اللي يرّوي الناس السنعين في المجتمع؟

يا جماعة ترى الكويت تستاهل أحسن من هالمسلسلات

المصدر: جريدة القبس عدد الأثنين 10/10/2005

معا ضد البرامج العنصرية

تأيدا لما نشره بوجيج و كيو و اخونا خالد

اضم صوتي لهم و ادعوا الى مقاطعة هذا النوع من البرامج و منهم برنامج أكاديمية المواهب الذي يبث على تلفزيون الكويت (للأسف) و يا ريت احد يقولي هذي البرامج برعاية أي شركات؟

لازم هذي الشركات تعرف انها قاعد ترعى برامج عنصرية و بدون أي قيمة

أقترح يا جماعة انه تصير حملة على الرعاة للتأثير على التلفزيون

على فكرة لين الحين ما سمعت شي عن المسلسلات الكويتية و شنو مسويين هالسنة بعد؟

جم طراق في اول ثلاث ايام و جم مدمن مخدرات و الا اقولكم؟؟؟؟

جم شخصية كويتية محترمة حاطينها في مسلسلاتنا المرشحة لجوائز الأيمي

مبارك عليكم الشهر

كل عام وانتم بخير و عساكم من عواده

و بما ان اول ايام رمضان ايام الزيارات و صلة الرحم حبيت اذكركم بحديث الرسول صلى الله عليه و سلم

"ليس الواصل ‏ ‏بالمكافئ ‏ ‏ولكن الواصل الذي إذا قطعت رحمه وصلها "

يعني شغل يوجبونا و نوجبهم و هذيله ما يونا في عزاء فلان قبل 10 سنين ما يصير

و هذا تفسير الحديث

و تقبل الله منا و منكم صالح الأعمال